सामग्री खोज्नुहोस्

टोकियो। जापानको अध्यागमन विभागले सार्बजनिक गरेको पछिल्लो तथ्याङ्क अनुसार अक्टुवर महिनामा मात्रै ९ हजार ५५२ नेपाली जापान प्रवेश गरेका छन्।

टोकियो स्थित अध्यागमन विभागले गत सोमबार सार्बजनिक गरेको तथ्याङ्क अनुसार पुनः प्रबेसको अनुमति भएका सहित अक्टुवर महिनामा ९ हजार ५५२ नेपालीहरु जापान प्रबेस गरेका हुन्।

पुनः प्रवेशको अनुमति भएका १ हजार ९६२ जना नेपालीहरु जापान प्रवेश गरेको अध्यागनको पछिल्लो तथ्याङ्कले देखाएको छ। पुनः प्रबेस गरेका बाहेक ७ हजार ५९० जना नयाँ प्रवेशी हुन्।

केही समयका लागि जापान भ्रमण गर्न आउने नेपालीहरुको संख्या १ हजार ३२१ रहेको छ। अध्यागमनले आफ्नो वेब साइटमा सार्बजनिक गरेको तथ्याङ्क अनुसार अक्टुबर महिनामा सबै भन्दा धेरै बिद्यार्थीहरु जापान प्रबेश गरेका छन्।

उसका अनुसार सो महिनामा ४ हजार ९२७ जना बिद्यार्थीहरु अध्ययनका लागि जापान प्रबेस गरेका छन्। त्यसबाहेक जापानमा रहेका परिवारको डिपेण्डेण्ट भिषामा १ हजार ४५७ नेपाली जापान प्रवेश गरेका छन्।

नारिता विमानस्थलबाट जापान प्रवेश गर्ने नेपालीको संख्या उच्च

जापान प्रवेश गर्ने अधिकांश नेपालीहरु चिबा प्रिफेक्चरमा रहेको नारिता अन्तराष्ट्रिय विमानस्थलबाटप्रवेश गर्ने गरेको पनि तथ्याङ्कले देखाएको छ।अध्यागनको तथ्याङ्क अनुसार गत अक्टुवर महिनामा जापान प्रवेश गरेका मध्ये ४ हजार ९५२ जना नेपालीहरु नारिता विमानस्थलबाट प्रवेश गरेका हुन्। ओसाका स्थित खान्साई अन्तराष्ट्रिय विमानस्थलबाट जापान प्रबेश गर्नेको संख्या १ हजार ७१७ रहेको छ।

त्यस्तै, आइची प्रिफेक्चरको च्युबो विमानस्थबाट १ हजार १०, टोकियोको हानेदा विमानस्थबाट ८२६, फुकुओका विमानस्थल बाट ७८६, होकाइदोउको सिन चितोसे बिमान स्थल १२८, ओकिनावा प्रिफेक्चरको नाहा विमानस्थल बाट १००, मियागी प्रिफेक्चरको सेन्दाई बिमान स्थलबाट १७ र हिरोसिमाको हिरोसिमा विमानस्थलबाट १६ नेपाली जापान प्रबेश गरेको अध्यागमनले जनाएको छ।