सामग्री खोज्नुहोस्

एजेन्सी । इरानबाट हिन्द महासागरमा एक तेल ट्याङ्करमाथि ड्रोन हमला गरिएको संयुक्त राज्य अमेरिकाको सेनाले जनाएको छ।

अमेरिकी रक्षा मन्त्रालय पेन्टागनका अनुसार शनिबार भारतीय समुद्री किनारदेखि ३ सय ७० किलोमिटर टाढा जहाजमाथि हमला भएको बीबीसीले जनाएको छ ।

नेदरल्याण्ड्सको कम्पनीद्वारा संचालित सो जहाजमाा लाइबेरियाको झण्डा लगाइएको थियो । सो हमला जहाजमा आगलागी भए पनि मानवीय क्षतिको भने नभएको बताइएको छ ।

संयुक्त राज्य अमेरिकाको सेनाका अनुसार उक्त ड्रोन हमला इरानले गरेको हो ।

सो घटनापछि पेन्टागनले एक विज्ञप्ति जारी गर्दै भनेको छ, ‘एमभी केम प्लुटो जहाज लाइबेरियाको झण्डामुनि थियो र यो जहाज जापानी कम्पनीको स्वामित्वमा भए पनि डच निकायले सञ्चालन गरेको थियो।’

हमलापछि भारतीय नौसेनाले सहयोगको लागि अनुरोध गरिएको र उसले एउटा विमान पठाइएर आगो नियन्त्रणमा लिनुका साथै जहाज र त्यसका चालक दललाई सुरक्षित राख्न सफल भएको थियो ।

हालैका दिनहरूमा लाल सागरमा इरानको समर्थन प्राप्त यमनका हुथी विद्रोहीहरूले निरन्तर रकेट तथा ड्रोन आक्रमणहरू गरेका छन्।