सामग्री खोज्नुहोस्

एजेन्सी । इजरायली बमबारीमा परी मृत्यु हुनेको संख्या १० हजार नाघेको छ ।

हमासले इजरायलमा आक्रमण गरेपछि इजरायलले सुरू गरेको जवाफी कारबाही करिब एक महिना पुग्दै गर्दा प्यालेस्टिनी भूमिमा मृत्यु हुनेको संख्या १० हजार नाघेको हो ।

गाजास्थित प्यालेष्टिनी स्वास्थ्य मन्त्रालयका प्रवक्ता अशरफ अल–किद्रेहले पत्रकार सम्मेलन गरी १० हजार २२ जनाको मृत्यु भएको जानकारी दिएका छन् ।

इजरायली सेनाले गरेको भीषण बमबारीमा आतबार र सोमबारमा कम्तीमा २९२ जना प्यालेस्टाइनीको मृत्यु भएको उनले बताए ।

मन्त्रालयका अनुसार गाजामा युद्ध सुरु भएयता मारिनेमा चार हजारभन्दा बढी बालबालिकासहित अधिकांश सर्वसाधारण रहेका छन् ।

गाजा क्षेत्रमा अक्टोबर ७ मा हमासले गरेको आक्रमणका कारण दक्षिणी इजरायलमा एक हजार ४०० जनाको मृत्यु भएको इजरायली अधिकारीहरूले बताएका छन् ।