सामग्री खोज्नुहोस्

टोकियो । जापानको एक अस्पतालमा मङ्गलबार गोली चल्दा कम्तीमा दुई जना घाइते भएका छन् । एक संदिग्ध बन्दुकधारीले कम्तीमा एक जनालाई बन्धक बनाएर राखेको प्रहरीले जनाएको छ ।

प्रहरीले घटना लगत्तै घटनास्थल नजिकैको हुलाक कार्यालय घेराउ गरेको छ ।

टिभी फुटेजमा ८० वर्ष काटेका संदिग्ध व्यक्ति टोकियोबाहिर वाराबीमा घाँटीमा डोरीमा बाँधिएको बन्दुकजस्तो देखिने भवनभित्र रहेको देखिएको छ ।

उनको उद्देश्य स्पष्ट नभए पनि अस्पतालको उक्त घटनामा उनी पनि संलग्न रहेको प्रहरीको अनुमान छ । आक्रमणमा उनको संलग्नता रहेको प्रारम्भिक अनुसन्धानपछि जानकारी प्राप्त भएको छ ।

शहरको प्रशासन अधिकारीहरूले आफ्नो वेबसाइटमा भनेका छन्,“स्थानीय समयअनुसार मंगलबार दिउँसो २ः१५ बजे एक व्यक्तिले एक महिलालाई बन्धक बनाएर वाराबी शहरको चुओ ५ चोमे क्षेत्रमा रहेको हुलाक कार्यालयमा लुकेर बसेका थिए । अपराधीसँग बन्दुक जस्तो देखिने वस्तु छ ।”

“घटनास्थल नजिकका नागरिकलाई प्रहरीको निर्देशन पालना गर्न र प्रहरीको निर्देशनअनुसार उक्त ठाउ छोड्न आग्रह गरिएको छ ।”

हुलाक कार्यालयमा एक जनालाई बन्दक बनाएर राखेको अभियोगमा जापान प्रहरीले ८६ वर्षीय संदिग्ध बन्दुकधारीलाई पक्राउ गरेको सीएनएनले जनाएको छ ।