सामग्री खोज्नुहोस्

एजेन्सी । म्यानमारले नेपाल र जापानसहित थप चार मुलुकका कूटनीतिक तथा विशेष राहदानी भएका पर्यटकका लागि विनाभिसा प्रवेशको व्यवस्था गरेकोे छ ।

विनाभिसा प्रवेशको व्यवस्था पाउने थप चार मुलुकमा नेपाल, जापान, बेलारुस र मोरक्को रहेका सरकारी अधिकारीलाई उद्धृत गरी ग्लोबल न्यू लाइट अफ म्यान्माले जनाएको छ ।

यो कदमको उद्देश्य म्यान्मार र यी देशहरूबीच बलियो कूटनीतिक सम्बन्धलाई बढावा दिनु र पर्यटनलाई प्रोत्साहित गर्नु रहेको छ ।

म्यान्मार र यी देशहरूबीच पारस्परिक भिसा सम्झौताको एक भागको रूपमा यो निर्णय आएको छ । जसले कूटनीतिज्ञहरू र विशेष पासपोर्ट धारकहरूलाई ३० देखि ९० दिनसम्म देशमा बस्न अनुमति दिन्छ ।

नयाँ थपिएका चार मुलुकबाहेक बङ्गलादेश, ब्राजिल, चीन, कोलम्बिया, भारत, दक्षिण कोरिया, उत्तर कोरिया, मङ्गोलिया, रूस, सर्बिया, श्रीलङ्का र दक्षिणपूर्वी एसियाली राष्ट्रहरूको संगठन (सार्क)का सदस्य राष्ट्रहरू म्यानमारबाट भिसा छुटका लागि योग्य छन् ।

पर्यटन मन्त्रालयका अनुसार सन् २०२३ को पहिलो आठ महिनामा म्यानमारमा सात लाख ५१ हजार २१६ विदेशी पर्यटक भित्रिएका थिए ।