Kyodai News

टोकियो । जापानको ज्यालादरमा गिरावट आएको छ । ज्यालादरमा लगातार १६ औं महिनासम्म कमी आएको देखिएको हो ।

जापानको मुद्रास्फीति समायोजित वास्तविक ज्याला सूचकाङ्क जुलाईमा अघिल्लो वर्षको तुलनामा २.५ प्रतिशतले घटेको छ ।

स्वास्थ्य, श्रम तथा कल्याण मन्त्रालयले जारी गरेको प्रारम्भिक तथ्याङ्कअनुसार नाममात्रको ज्याला, आधार र अतिरिक्त समयको तलबसहित प्रति कामदार औसत कुल नगद आय १.३ प्रतिशतले बढेर करिब दुई हजार ५८६ अमेरिकी डलर पुगेको छ ।

आधारभूत तलबसहित नियमित तलब १.६ प्रतिशतले बढेको छ भने अतिरिक्त समयको तलब र अन्य गैरनियमित तलब ०.५ प्रतिशतले बढेको छ भने बोनससहितको विशेष तलब ०.६ प्रतिशतले बढेको छ ।

उपभोक्ता मूल्य सूचकाङ्क (सीपीआई) मा ३.९ प्रतिशतले वृद्धि भएको छ ।