सामग्री खोज्नुहोस्

टाेकियाे । जापान सरकारले जापानमा जन्मेका र हुर्केका विदेशी नाबालिगहरूलाई जापान छाड्नुपर्ने अवस्थामा जापानमा नै बस्नको लागि विशेष अनुमति दिने घोषणा गरेको छ ।

जापानको यो कदमअनुसार आवासको स्थितिविनानै जापानमा बस्न विशेष अनुमति दिइनेछ । जसमा सुरुवातमा १ सय ४० भन्दा बढी बालबालिकाहरूले विशेष भिसा अनुमति प्राप्त गर्नेछन् ।

यो कदम यस वर्षको सुरुमा पारित भएको शरणार्थी कानुनको विवादास्पद संशोधनपछि आएको हो ।

जापानका न्याय मन्त्री केन साइतोका शरणार्थी कानुन संशोधन पश्चात प्रभावित बालबालिकालाई बचाउने प्रयास स्वरुप यो प्रस्ताव आएको हो ।

गैरकानुनी रुपमा बसोबासका कारण त्यस्ता अभिभावकका बालबालिकाहरु पर्याप्त चिकित्सा सेवामा पहुँच गर्न नसकेकाले त्यस्ता बालबालिकाहरूको लागि समर्थनको लागि आवाजहरु बढ्दै गएका समयमा जापानले नयाँ कदम चालेको जापान टाइम्सले जनाएको छ ।