सामग्री खोज्नुहोस्

काठमाडाैं । आर्थिक वर्ष २०७९/८० मा वैदेशिक रोजगारीमा जानेको संख्याले बढेको पाइएकाे छ ।

यो आर्थिक वर्षमा चार लाख ९४ हजार २२४ नयाँसहित श्रम स्वीकृति लिनेको संख्या सात लाख ७१ हजार ३२७ रहेको छ ।

मलेसियाका लागि सबैभन्दा धेरै दुई लाख ५९ हजार ५९४ जनाले श्रम स्वीकृति लिएका छन्। यो कुल संख्याको ३३.६५ प्रतिशत हो। २०७८/७९ मा मलेसियाका लागि ३६ हजार ६४४ जनाले मात्रै श्रम स्वीकृति लिएका थिए।

२०७९/८० दक्षिण कोरिया, रोमानिया, जापान, बहराइन, कुवेत, क्रोएसियालगायत मुलुकमा पनि ठूलो संख्यामा नेपाली श्रमिकहरू पुगेका छन्। यो वर्ष कुवेतका लागि ४३ हजार ५०७, दक्षिण कोरियाका लागि २२ हजार ३३, रोमानियाका लागि १४ हजार २२३ जनाले श्रम स्वीकृति लिएका छन्।

यस्तै जापानका लागि ९ हजार ६४४, बहराइनका लागि सात हजार ६९०, क्रोएसियाका लागि सात हजार ४४१, माल्टाका लागि ६ हजार ३०३, साइप्रसका लागि पाँच हजार ३१७, ओमानका लागि पाँच हजार २९४, पोल्याण्डका लागि पाँच हजार ११२ र माल्दिभ्सका लागि चार हजार ८६५ जनाले श्रम स्वीकृति लिएका वैदेशिक रोजगार विभागले जनाएको छ ।