सामग्री खोज्नुहोस्

टोकियो । जापानको बेरोजगारी दर जुन महिनामा २.५ प्रतिशत रहेको छ । जापानको आन्तरिक मामिला तथा सञ्चार मन्त्रालयले मङ्गलबार यो प्रतिबेदन सार्वजनिक गरेको हो ।

प्रतिबेदनअनुसार एक महिनाअघि २.६ प्रतिशत रहेको बेरोजगारदर केही घटेको सिन्ह्वाले जनाएकाे छ ।

स्वास्थ्य, श्रम तथा कल्याण मन्त्रालयले मे महिनामा रोजगारीको उपलब्धता अनुपात ०.०१ प्रतिशत बिन्दुले घटेर १.३० मा झरेको छ । यो अनुपात कामको खोजीमा प्रति १०० मानिसको लागि १३० उपलब्ध रोजगारको बराबर छ ।

जुन महिनामा कुल बेरोजगारको सङ्ख्या १७ लाख ९० हजार पुगेको मन्त्रालयले जनाएको छ । तीमध्ये आफ्नै इच्छाले काम छोड्नेको सङ्ख्या एक प्रतिशतले घटेर सात लाख १० हजारमा झरेको छ ।

मन्त्रालयको तथ्याङ्कअनुसार कामबाट बर्खास्त हुनेको सङ्ख्या अघिल्लो महिनाको तुलनामा दुई प्रतिशतले घटेर चार लाख ७० हजारमा पुगेको छ ।