सामग्री खोज्नुहोस्

एजेन्सी । पाकिस्तानको उत्तरपश्चिम खैबर पख्तुनख्वा प्रान्तको बाजौर जिल्लामा आइतबार भएको आत्मघाती विस्फोटमा परी मृत्यु हुनेको सङ्ख्या ५४ पुगेको छ ।

रियाज अनवरले स्थानीय सञ्चारमाध्यमलाई दिएको जानकारीअनुसार विभिन्न अस्पतालमा उपचारको क्रममा नौ जना घाइतेको मृत्यु भएपछि मृतकको सङ्ख्यामा वृद्धि भएको हो ।

बम विष्फोटमा परी २०० भन्दा बढी व्यक्ति घाइते भएको र तीमध्ये १०० भन्दा बढीको अस्पतालमा उपचार भइरहेको उनले जानकारी दिए ।

संयुक्त अरब इमिरेट्स (यूएई) ले आतङ्कवादी आक्रमणको निन्दा गरेको छ ।

परराष्ट्र मन्त्रालयले सोमबार एक विज्ञप्ति जारी गरी मानवीय मूल्य र सिद्धान्तहरूको उल्लङ्घन हुने आपराधिक गतिविधिका साथै सबै प्रकारका हिंसा र आतङ्कवादको यूएई निन्दा गर्दछ भनेको छ । मन्त्रालयले पाकिस्तान सरकार र जनताप्रति गहिरो समवेदना एवम् सहानुभूति प्रकट गर्दै घाइतेहरूको शीघ्र स्वास्थ्यलाभको कामना गरेको छ ।