सामग्री खोज्नुहोस्

एजेन्सी । गैरआवासीय नेपाली संघ (एनआरएनए) अमेरिकाको अध्यक्षमा अर्जुन बन्जाडे निर्वाचित भएका छन् ।

आइतबार अनलाइनमार्फत सम्पन्न निर्वाचनमा निकटतम प्रतिद्वन्द्वी दिलु पराजुलीलाई पराजित गर्दै उनी निर्वाचित भएका हुन् । बन्जाडेले ५ हजार ७ सय ३९ मत ल्याएर अध्यक्षमा निर्वाचित भएका हुन् । उनका निकटतम प्रतिद्वन्द्वी पराजुलीले ४ हजार ८ सय ६ मत प्राप्त गरेका थिए ।

यस्तै वरिष्ठ उपाध्यक्षमा विकास उप्रेती, उपाध्यक्षमा भानु खरेल, ज्ञानेन्द्र गुरुङ, नेत्र पाण्डे र प्रेम तामाङ निर्वाचित हुँदा महिला उपाध्यक्षमा सुनिता सापकोटा (कँडेल) निर्वाचित बनेका छन् ।

यसैगरी युवा उपाध्यक्षमा अनुप खनाल, महासचिवमा रामहरि अधिकारी, सचिवमा दीपक सापकोटा, शान्ता पौडेल निर्वाचित हुँदा कोषाध्यक्षमा सरोज सिग्देल विजयी भएका छन् ।

यसैगरी सहकोषाध्यक्षमा दिवाकर पाण्डे र युवा संयोजकमा तेज पौडेल निर्वाचित भएका छन् ।

यस्तै निर्वाचनबाट बोर्ड सदस्यसहित आईसीसी सदस्य र राज्य समिति सदस्यहरू पनि निर्वाचित भएका छन् ।

निर्वाचन समितिका अनुसार निर्वाचनमा कुल १३ हजार ६ सय ९१ मतदाता मध्ये ११ हजार २ सय ६७ मतदाताले मतदान गरेका थिए। इतिहासमै अहिलेसम्मकै बढी ८२.३ प्रतिशत मत खसेको निर्वाचन समितिले जनाएको छ ।

यस्तो छ निर्वाचितहरूको सूची र मतपरिणाम