सामग्री खोज्नुहोस्

एजेन्सी । सन् २०२३ का लागि सिंगापुरको पासपोर्ट सबैभन्दा शक्तिशाली घोषित भएको छ ।

‘द हेन्ली पासपोर्ट इन्डेक्स’ले गरेको सर्वेक्षण अनुसार लगातार तीन वर्ष शीर्ष स्थानमा रहेको जापानलाई उछिन्दै सिंगापुरको पासपोर्ट सबैभन्दा शक्तिशाली बनेको हो ।

विश्वका शक्तिशाली पासपोर्टहरूको सूचीमा नेपाल भने ९८औं स्थानमा परेको छ ।सबैभन्दा अन्तिममा अफगानिस्तानको पासपोर्ट रहेको छ ।

कुनै पनि देशका नागरिकले विश्वमा भिसा प्राप्त सक्ने क्षमताका आधारमा यो सूची तयार गरिएको हो । विश्वका पासपोर्टमध्ये कुन पासपोर्टले कति देशमा फ्री भिसा र भनेकै बेला भिसा पाएर प्रवेश गर्न सकिन्छ भन्ने आधारमा सूचकांक तयार पार्ने गर्छ

सन् २०२३ का लागि सबैभन्दा शक्तिशाली घोषित भएको सिंगापुरको पासपोर्टले १९२ देश तथा क्षेत्रमा प्रवेश गर्न सकिन्छ । १९० देश प्रवेश पाउने जमर्नी, इटाली र स्पेनको पासपोर्ट दोस्रो स्थानमा छन् ।

दक्षिण कोरिया र जापानको १८९ देशमा पहुँच पाउने पासपोर्ट तेस्रो स्थानमा छ । अमेरिकाको पासपोर्ट आठौं स्थानमा रहेको छ भने यसले १८४ देश तथा क्षेत्रमा प्रवेश गर्न सकिन्छ ।

दक्षिण एसियाली मुलुकहरूमा माल्दिभ्स ५७ औं स्थानमा रहेको छ । भारत ८० औं स्थानमा छ भने भुटान ८४ औं स्थानमा रहेको छ । श्रीलंका र बंगलादेश क्रमशः ९५ र ९६ औं स्थानमा छन् ।