सामग्री खोज्नुहोस्

टोकियो । जापानको फुकुओकामा भारी वर्षासँगैको पहिरोमा परेर एक जनाको मृत्यु भएको छ ।

मुसलधारे वर्षाले पहिरो खस्दा कम्तीमा एक जनाको मृत्यु भएको र जापानको दक्षिणपश्चिमी टापु क्युसुमा दशौं हजार मानिसहरूलाई आफ्नो घर छोड्न आदेश गरिएको अधिकारीहरूले बताएका छन् ।

फुकुओका प्रिफेक्चरमा पहिरोमा परेर ७० वर्षकी एक महिलाको मृत्यु भएको सार्वजनिक प्रसारक एनएचकेले जनाएको छ।

सागा प्रिफेक्चरमा दुईवटा घरमा पहिरो जाँदा थप तीन जना बेपत्ता भएको एनएचकेले जनाएको छ।

फुकुओका र ओइटा प्रान्तका केही भागहरूमा भारी वर्षाको लागि उच्च स्तरको चेतावनी जारी गरिएको थियो।

मङ्गलबार बिहानसम्म उत्तरी क्युसुमा थप २०० मिलिमिटरसम्म वर्षा हुने सम्भावना रहेको मौसम विज्ञान एजेन्सीको पूर्वानुमान महाशाखाका निर्देशक सातोशी सुगिमोतोले बताए। ‘पहिले नदेखेको जस्तो वर्षा यति धेरै भइरहेको छ,’ अधिकारीले भने।

हिरोशिमा र फुकुओकाको हाकाटा स्टेशनहरू बीचको शिन्कानसेन सेवा निलम्बन गरिएको जापान टाइम्सले जनाएको छ ।