सामग्री खोज्नुहोस्

टोकियो । गैर आवासीय नेपाली संघ (एनआरएनए) जापानको आगामी कार्यकालका लागि बरिष्ठ उपाध्यक्ष नबिन निउरेले अध्यक्ष पदमा उमेद्वारी दिने घोषणा गरेका छन् । निउरेले आज जापानको राजधानी टोकियोमा पत्रकार सम्मेलनको आयोजना गरी आगामी कार्यकालका लागि अध्यक्ष पदमा उमेद्वारी दिने घोषणा गरेका हुन् ।

सन् २००५ मा जापान प्रवेश गरेका निउरे सन् २०११ देखि एनआरएनए अभियानमा सक्रिय छन् । सन् २०११ मा कान्तोउ क्षेत्रको सदस्य हुँदै अहिले एनआरएनए जापानको बरिष्ठ उपाध्यक्ष रहेका निउरेले ‘पारदर्शिता, रुपान्तरण, प्रबिधिमैत्री एनआरए जापान नेपाली समुदायको आफ्नो साथी बनाउने अभियान’ भन्ने नाराका साथ अध्यक्ष पदका लागि उमेद्वारी दिने घोषणा गरेका हुन् ।

निउरेले ८ बुंदे घोषणापत्र जारी गर्दै जापानमा रहेका नेपालीहरुले भोगेका समस्या समाधानका लागि जापान सरकारसंग आबश्यक पहल कदमी लिने लगायतका महत्वकांक्षी योजनाहरु सार्बजनिक गरेका छन् ।

‘हामी जापानमा रहेका नेपालीहरुका समस्या समाधानका लागि जापानको सरकार संग समन्यवय गरेर अगाढी बढ्ने नीति लिने छौ’ टोकियोमा आयोजित पत्रकार सम्मलेनमा निउरेले भने ‘त्यसका अलावा नेपालीहरुको योगदानका आधारमा रहेर शिव मन्दिर सहित प्रविधियुक्त बहुद्देश्यीय नेपाली हाउसको स्थापना गर्नेछौं ।’

अहिलेको कार्यसमितिले सुरु गरेका राम्रा कार्यक्रमहरुलाई निरन्तरता दिने निउरेले जानकारी दिए । ‘अहिलेको कार्यकालमा जापानका विभिन्न कम्पनीसंग गरेका सम्झ्यौताहरुलाई निरन्तरता दिनेछौं’ निउरेद्वारा जारी गरिएको घोषणा पत्रमा उल्लेख गरिएको छ ।

एनआरएनए जापानलाइ स्मार्ट एनआरएनए बनाउनका लागि यस संग सम्बन्धित कार्यलाई ब्यबस्थित गर्ने, एनआरएनए जापानले प्रदान गर्ने सेवाका सम्पूर्णलाइ जानकारी दिने र आइसीसीको निर्वाचनका प्रतिनिधि छनोटलाइ पारदर्शी र थप बैज्ञानिक बनाइने घोषणापत्रमा उल्लेख गरिएको छ ।

एनआरएनए जापानको ११ औं महाधिबेशन जुलाई २९ तारिख सम्पन्न गर्ने तयारी छ । अध्यक्ष पदका लागि अहिले सम्म उपाध्यक्ष रामकृष्ण श्रेष्ठ, उपाध्यक्ष राजकुमार अधिकारी, महिला उपाध्यक्ष संगिता अधिकारी र महासचिव सिद्दार्थ श्रेष्ठ भावी अध्यक्षका लागि आकांक्षी देखिएका छन् । तर उनीहरुले अहिले सम्म आधिकारीक रुपमा उमेद्वारी घोषणा गरिसकेका छैनन् ।