सामग्री खोज्नुहोस्

टोकियो । जापानको ह्योगो प्रान्तको आशियाका मेयर रियोसुके ताकिशिमाले आफ्नो ध्यान शिक्षा सुधारमा केन्द्रित रहेको बताएका छन् ।

शिक्षामा सुधार नभएसम्म आशियाको भविष्य परिवर्तन नहुँने भन्दै उनले शिक्षा सुधारमा जोड दिएको बताए ।

जापानको सबैभन्दा कान्छो मेयर बनेपछि राष्ट्रिय प्रसिद्धिमा पुगेका रियोसुकेले आफ्नो शहरको जनसंख्यामा आएको गिरावटलाई रोक्नका लागि पनि शिक्षा सुधारमा आफ्नो प्राथमिकता रहेका बताएका जापान टाइम्सले लेखेकाे छ ।

अप्रिलमा भएको एकीकृत स्थानीय चुनावमा ह्योगो प्रान्तको आशियाको मेयरमा ताकाशिमा निर्वाचित भएका थिए ।

२६ वर्षीय मेयर रयोसुके ताकाशिमाले आफ्नो शहरका सार्वजनिक विद्यालयहरूलाई पुनरुत्थानका लागि विज्ञहरूसँग राय तथा सुझावहरू संकलन गरिरहेका छन् ।

‘शहरमा शिक्षा सुधार नभएसम्म आशियाको भविष्य सुध्रने छैन,’ उनले भनेका छन् ।