सामग्री खोज्नुहोस्

एजेन्सी । श्रीलङ्काको मन्त्रिपरिषद्ले घरेलु ऋण पुनर्संरचनाको योजना स्वीकृत गरेको जनाएको छ।

घरेलु ऋण पुनर्संरचना कार्यक्रम अर्थ मन्त्रालयले गरेको प्रस्ताव मन्त्रिपरिषद्को विशेष बैठकले सर्वसम्मतिले स्वीकृत गरेको राष्ट्रपतिको मिडिया डिभिजन (पीएमडी) ले जनाएको छ । श्रीलङ्काका राष्ट्रपति रनिल विक्रमासिङ्घेले ऋण पुनर्संरचना प्रक्रियाले बैंकिङ प्रणालीको स्थायित्वमा असर नगर्ने बताएका छन् ।

अर्थ राज्यमन्त्री रञ्जित सियाम्बलापिटियाले यसअघि संसदमा घरेलु ऋणको पुनर्संरचना गर्दा स्वदेशी ऋणीले लगानीमा पनि घाटा ब्यहोर्न बाध्य नहुने बताएका थिए ।

सियामबालापिटियाले ऋणमा अल्पकालीन रोक, ब्याज घटाउने र भुक्तानीमा ढिलाइ पनि घरेलु ऋणको पुनर्संरचना गर्ने उपाय हुनसक्ने बताएका छन् ।

श्रीलङ्काले अप्रिल २०२२ मा विदेशी ऋण तिर्न निलम्बनको घोषणा गर्योत, जब यो स्वतन्त्रता पछिको सबैभन्दा खराब वित्तीय संकटबाट प्रभावित भएको थियो ।

श्रीलङ्काले यसअघि नै अन्तरराष्ट्रिय मुद्रा कोषसँगको कार्यक्रमलाई ध्यानमा राख्दै आफ्नो बाह्य ऋणको पुनर्संरचना गर्न थालिसकेको सिन्ह्वाले लेखेको छ ।

केन्द्रीय बैंककाे तथ्यांकअनुसार श्रीलंकाको कुल ऋण लगभग ८३.६ बिलियन अमेरिकी डलर छ। वैदेशिक ऋण ४१.६ अर्ब डलर र आन्तरिक ऋण ४२ अर्ब डलर रहेको छ ।