सामग्री खोज्नुहोस्

टोकियो । जापान सरकारले प्रेसक्रिप्सनविना आपतकालीन गर्भनिरोधक चक्कीको बिक्रीलाई अनुमति दिने भएको छ ।

परीक्षणको आधारमा केही समयमै प्रेसक्रिप्सनविना आपतकालीन गर्भनिरोधक चक्की बिक्री खुला गर्न लागिएको जापानको स्वास्थ्य मन्त्रालयले जनाएको छ ।

सरकारको यो कदम दर्जनौं अन्य देशहरूमा सामेल हुनेतर्फ ठूलो कदम भएको बताइएको छ । यसअघि फार्मेसीहरूमा त्यस्ता औषधिहरूको ओभर–द–काउन्टर बिक्रीलाई प्रतिबन्ध थियो ।

मन्त्रालयले सोमबार फार्मेसीहरूमा प्रशिक्षित फार्मासिस्टहरू, निजी कोठाहरू, राति तथा बिदाका दिनहरूमा समेत उक्त औषधि उपलब्ध हुने जानकारी दिएको हो ।

वर्तमान नियमहरू अन्तर्गत, यौन दुर्व्यवहारका पीडितहरू सहित महिलाहरूले आपतकालीन गर्भनिरोधक चक्की प्राप्त गर्नलाई प्रेसक्रिप्सनका लागि क्लिनिक वा अस्पतालमा जानुपर्ने बाध्यता छ ।

जसले असुरक्षित यौनसम्पर्कपछि ७२ घण्टाभित्र राम्रो काम गर्दछ ।

प्रेसक्रिप्सनविना औषधि बेच्ने विषयमा मन्त्रालयले २०१७ मा छलफल गरेको थियो ।

सरकारको यो निर्णयमा आलोचकहरूले औषधिको गैरजिम्मेवार प्रयोगलाई प्रोत्साहित हुने दाबी गरेका जापान टाइम्सले लेखेको छ ।