सामग्री खोज्नुहोस्

एजेन्सी । अमेरिकी राष्ट्रपति जो बाइडेनले चिनियाँ राष्ट्रपति सी जिनपिङलाई ‘तानाशाह’ सँग तुलना गरेका छन् ।

क्यालिफोर्नियामा मंगलबार आयोजित एक कार्यक्रममा बाइडेनले जासुसीका लागि प्रयोग हुने चिनियाँ बेलुन अमेरिकामाथि उडेको र त्यसपछि अमेरिकी सैन्य जेटविमानले खसालेको घटनाले सी आक्रोशित भएको बताएका थिए । ‘जब मैले जासुसी उपकरणले भरिएको दुईवटा बक्स कारले त्यो बेलुन खसालेँ, तब सी जिनपिङ निकै निराश हुनुभयो । कारण के हो भने उहाँलाई थाहा थिएन । जासुसी उपकरणले भरिएको बाकस बेलुनमा थियो ।’ बाइडेनले भनेका थिए, ‘म गम्भीर छु । उनीहरूलाई के भयो थाहा थिएन । तानाशाहहरूका लागि यो ठूलो लज्जाको विषय थियो ।’

यता चीनको बेइजिङस्थित विदेश मन्त्रालयले बाइडेनको यो टिप्पणीलाई ‘हास्यास्पद’ भनेका सीएनएनले जनाएको छ । चिनियाँ विदेश मन्त्रालयका प्रवक्ता माओ निङले बुधबारको पत्रकार सम्मेलनमा भने, ‘अमेरिकी पक्षको बेलुनसँग सम्वद्ध टिप्पणी अत्यन्त ‘हास्यास्पद र गैरजिम्मेवार’ छ, यसले आधारभूत तथ्य, कूटनीतिक मर्यादा र चीनको राजनीतिक मर्यादाको गम्भीर उल्लङ्घन गरेको छ ।’

चीन यस बिषयमा कडा रूपमा असन्तुष्ट जनाएको छ । साथै चीनले अमेरिकी राष्ट्रपति बाइडेनको चर्काे विरोध गरेको छ ।