सामग्री खोज्नुहोस्

टोकियो । जापानका करिब ६१ प्रतिशत कम्पनीहरु ‘जेनेरेटर आर्टिफिसियल इन्टेलिजेन्स’को प्रयोगप्रति सकारात्मक रहेको एक सर्वेक्षणले देखाएको छ ।

जापानको टेइकोकु तथ्याङ्क बैंकले मंगलबार एक अनलाइन सर्वेक्षण सार्वजनिक गरेको छ । सो सर्वेक्षणमा सहभागी ९.१ प्रतिशत कम्पनीहरूले जेनेरेटर एआईको प्रयोग गरिरहेको बताएका छन् भने ५२.० प्रतिशतले प्रविधिको प्रयोग गर्नेबारे सोचिरहेको प्रतिक्रिया दिएका थिए ।

क्रेडिट रिसर्च कम्पनीले हालै गरेको सर्वेक्षणमा एक हजार ३ सय ८० कम्पनीबाट सकारात्मक प्रतिक्रिया प्राप्त भएको थियो ।

यसैबीच, एआई प्रविधिको प्रयोगमा आन्तरिक नियमहरू तयार गर्ने कम्पनीहरूको अनुपात केवल १.२ प्रतिशत मात्र देखिएको छ ।

सर्वेक्षणमा २३.३ प्रतिशतले तथ्याङ्कको गोपनीयताबारे चिन्ता व्यक्त गर्दै उनीहरूले आफ्ना गतिविधिमा जेनेरेटर एआईको प्रयोगबारे विचार नगरेको बताएका छन् ।