सामग्री खोज्नुहोस्

एजेन्सी । होन्डुरसको एक महिला कारागारमा दुईपक्षबीच झडपपछि आगलागी हुँदा कम्तीमा ४१ जनाको मृत्यु भएको छ । कारागार भित्र रहेका दुई प्रतिद्वन्द्वी गिरोहबीच झगडा भएपछि एउटा गिरोहले एउटा सेल जलाएको बीबीसीले लेखेको छ ।

आगलागीका कारण कारागार भित्र रहेका अधिकांशको मृत्यु भएको र केहीलाई गोली लागेको बताएका छन् ।

होन्डुरसको राजधानी टेगुसिगाल्पाबाट करिब २० किलोमिटर टाढा रहेको कारागारमा करिब ९०० जना कैदीहरू रहेको बताइएको छ । तर जेलका रहेका सबै मारिएका थिए वा छैनन् भन्ने स्पष्ट छैन ।

होन्डुरस भ्रष्टाचार र गिरोह हिंसाको लागि परिचित छ । जसले सरकारी संस्थाहरूमा घुसपैठ गरेको छ र हत्याको दर बढेको देखिएको छ ।

छिमेकी एल साल्भाडोर र ग्वाटेमालासँगै, यो देश दक्षिण अमेरिकाबाट संयुक्त राज्य अमेरिकामा आउने कोकिनको प्रमुख ट्रान्जिट मार्ग हो ।

योसँग घातक जेल दंगाको इतिहास समेत रहेको छ । जुन प्रायः संगठित अपराधसँग जोडिएको हुन्छ ।

सन् २०१९ मा उत्तरी बन्दरगाह सहर तेलाको एउटा जेलमा भएको सामूहिक हिंसामा कम्तीमा १८ जनाको मृत्यु भएको थियो ।

देशका उप–सुरक्षा मन्त्री जुलिसा भिल्लानुएभाले आपतकालिन अवस्थाको घोषणा गरेकी छिन् र हिंसालाई रोक्ने वाचा गरेकी छिन् ।