सामग्री खोज्नुहोस्

काठमाडौं । जिम्बावेमा जारी आईसीसी विश्वकप छनोट अन्तरगतको पहिलो खेलमा नेपालले ब्याटिङ्गको निम्तो पाएको छ । जिम्वाबेले टस जितेर नेपाललाइ पहिला ब्याटिङ्गको निम्तो दिएको हो ।

हरारे मैदानमा टस हारेर पहिला ब्याटिङको निम्तो पाएको नेपालले यो समाचार तयार पार्दा सम्म २३ ओभरको समाप्तीमा १०४ रन जोड्न सफल भएको छ । नेपालका लागि ओपनर कुशल भुर्तेलले जिम्बावे बिरुद्दको खेलमा अर्धसतक पुरा गरेका छन् । उनले ६२ बलको सामना गर्दै अर्धसतक पुरा गर्न सफल भएका हुन् । अर्का ओपनर र आसिफ सेखले ५७ बलको सामना गर्दै २९ रन जोडेका छन् ।

नेपाल पहिलो पटक टेस्ट राष्ट्रसँग एक दिवसीय अन्तर्राष्ट्रिय खेल खेलेको हो । उसले आज जिम्बावेलाई हराउदै विश्वकप छनोटमा राम्रो सुरुवाद गर्ने लक्षमा रहेको छ ।

छनोटको दोस्रो खेल नेपालले जुन २० मा नेपालले अमेरिका, तेस्रो जुन २२ मा वेस्ट इन्डिज र जुन २४ मा नेदरल्यान्ड्ससँग समूह चरणको अन्तिम खेल खेल्नेछ । छनोटमा सहभागी १० टिमलाई दुई समूहमा विभाजन गरिएको छ ।

समूह ‘ए’ मा नेपाल, वेस्ट इन्डिज, अमेरिका, नेदरल्यान्ड्स र जिम्बाबे छन् । समूह ‘बी’मा आयरल्यान्ड, ओमान, स्कटल्याण्ड, श्रीलंका र यूएई छन् । प्रत्येक समूहबाट शीर्ष तीन टिमले सुपर सिक्सम स्थान बनाउनेछन् र दुई टिमले विश्वकपमा स्थान बनाउनेछन् । लाइभ हेर्न यहाँ क्लिक गर्नुहोस।

नेपाल प्रेसको सहयोगमा