सामग्री खोज्नुहोस्

जापान । जापानको गिफु प्रिफेक्चरमा रहेको सेल्फ डिफेन्स फोर्सको फायरिङ रेञ्जमा गोली चल्दा २ जनाको मृत्यु भएको छ ।

गिफु प्रीफेक्चरल पुलिसले दिएको जानकारी अनुसार ग्राउन्ड सेल्फ डिफेन्स फोर्सको हिनो बेसिक फायरिङ रेन्जमा लाइभ फायर ट्रेनिङ तालिम चलिरहेका बेला गोली चलेको हो ।

गोली चलेपछि ग्राउन्ड सेल्फ डिफेन्स फोर्स मोरियाका २५ बर्षीय युवा र ५२ बर्षीय व्यक्तिको मृत्यु भएको प्रहरीले जनाएको छ ।

घटना पछि आत्मरक्षा बलका १८ बर्षीय अधिकारीलाइ प्रहरीले नियन्त्रणमा लिएको छ । उनले हत्या गर्ने उद्देश्यले गोली चलाएको आशंकामा नियन्त्रणमा लिएको एनएचकेले जनाएको छ ।

रक्षा मन्त्रालयका अधिकारीहरुका अनुसार बिहान करिब ९ बजे सुटिङ रेन्जमा सुटिङ तालिम सुरु भएको र त्यसको लगत्तै तीन जनालाई ताकेर गोली प्रहार भएको प्रहरीलाइ उद्दृत गर्दै एनएचकेले समाचार छापेको छ ।

घटना पछि जापानका रक्षामन्त्रीले हामादाले माफी माग्दै घटनाबारे अनुसन्धान भैरहेको बताएका छन् । तालिम गर्दा बुलेट प्रुफ भेस्ट लगाए नलगाएको बारे पनि अनुसन्धान भैरहेको रक्षामंत्रीले जनाएका छन्।