सामग्री खोज्नुहोस्

फुकुओका । जापानको फुकुओका जिल्ला अदालतले समलिंगी बिवाहलाइ मान्यता नदिनु संविधानको उल्लङ्घन भएको ठहर गरेको छ ।

समलिंगी विवाहलाई राज्यले मान्यता नदिएर संविधानको उल्लङ्घन गरेको भन्दै सरकार बिरुद्द फुकुओका जिल्ला अदालतमा परेको मुद्दाको फैसला सुनाउदै अदालतले समलिंगी बिवाहलाइ मान्यता नदिनु संविधानको उल्लङ्घन हुने ठहर गरेको हो ।

फुकुओका र कुमामोतो क्षेत्रमा प्रिफेक्चरमा बस्ने तीन समलिङ्गी जोडीहरूहरुले आफुहरुको बिवाहलाइ राज्यले स्वीकार नगरेर संविधानको उल्लङ्घन गरेको भन्दै मुद्दा दायर गरेका थिए ।

फुकुओका जिल्ला अदालतका मुख्य न्यायाधीश हिरोयुकी उएदाले लैंगिकताका आधारमा बिवाह स्वीकार या अस्विकार गर्नु नागरिक समानता हुन नसक्ने र यसो गर्दा संविधानको धारा २४ को उपधारा २ को उल्लङ्घन हुन आउने फैसला गरेका हुन् । साथै अदालतले व्यक्तिगत मर्यादा र लिङ्गका आधारमा जीवनसाथी छनोट गर्ने सम्बन्धमा कानून बनाउन पनि सरकारका नाममा आदेश जारी गरेको छ ।

समलिंगी विवाहलाई मान्यता नदिए बापत माग गरिएको क्षेतिपूर्तिलाइ भने अदालतले खारेज गरिदिएको एनएचकेले जनाएको छ । समलिंगी जोडीहरुले सरकारले आफुहरुलाई क्षेतिपूर्ति दिनुपर्ने माग समेत गरेका थिए ।