सामग्री खोज्नुहोस्

भारत । भारतीय प्रधानमन्त्री नरेन्द्र मोदी उडिसा राज्यको बालासोरमा हिजो भएको रेल दुर्घटना बारे जानकारी लिनका लागि घटनास्थलमा पुगेका छन् । भारतीय संचार माध्यमहरुका अनुसार मोदी आज दिउसो घटनास्थल पुगेर घटनाबारे जानकारी लिएका हुन् ।

भारतको चेन्नाइबाट उडिसा राज्य स्थित बालासोरको हावाडाका लागि छुटेको ट्रेन लिगबाट बाहिर जाँदा अर्को लिगमा रोकिराखेको मालबाहक ट्रेनसंग ठोकिएर दुर्घटना भएको थियो । उक्त दुर्घटनामा हाल सम्म २८० जनाको मृत्यु हुनुका साथै ९०० भन्दा बढी घाइते भएका छन् ।

कोरोमन्डल एक्सप्रेसको ट्रेन लिक बाट बाहिरिएर अर्को ट्रयाकमा रहेको मालबहाक ट्रेनमा ठोकिए लगत्तै तेस्रो लिगमा रहेको अर्को यात्रुबहाक ट्रेन पनि ठोकिन पुगेको थियो । भारतीय संचार माध्यम आजतकले सन् २०१२ पछिको सबै भन्दा ठुलो रेल दुर्घटना भएको बताएका छन् ।