सामग्री खोज्नुहोस्

एजेन्सी । भारतको उडिसा राज्यमा हिजो साँझ भएको रेल दुर्घटनामा मृत्‍यु हुनेको संख्या २८० पुगेकोछ ।

भारतीय लोकप्रिय संचार माध्यम आजतकले जनाए अनुसार उद्दार कार्य चलिरहदा दुर्घटनामा परी मृत्‍यु हुनेको संख्या २८० पुगेको हो । सो दुर्घटनामा करिब ९०० जना भन्दा बढी घाइते भएको पनि समाचारहरुमा उल्लेख गरिएको छ ।

भारतको चेन्नाइबाट उडिसा राज्य स्थित बालासोरको हावाडाका लागि छुटेको ट्रेन मालबाहक ट्रेनसंग ठोकिएर दुर्घटना भएको थियो । 

कोरोमन्डल एक्सप्रेसको ट्रेन लिक बाट बाहिरिएर अर्को ट्रयाकमा रहेको मालबहाक ट्रेनमा ठोकिएको र लगत्तै अर्को यात्रुबहाक ट्रेनमा पनि ठोकिन पुगेको थियो । 

भारतीय संचार माध्यमहरुका अनुसार सन् २०१२ पछिको सबै भन्दा ठुलो रेल दुर्घटना हो । सन १९८१ मा बिहारमा गुडिरहेको ट्रेन नदिमा खस्दा ८०० जनाको मृत्‍यु भएको थियो ।