सामग्री खोज्नुहोस्

टोकियो । ७ देश सम्मिलित जी सेबेनको शिखर सम्मेलन चलिरहेका बेला युक्रेनका राष्ट्रपति भलादिभिर जेलेन्स्की जापानको हिरोसिमामा ‘ल्याण्ड’ गरेका छन् ।

अमेरिका, जापान, इंग्ल्याण्ड, फ्रान्स, जर्मनी, इटाली र क्यानडा सम्मिलित जी सेबेनको सम्मेलन दोश्रो बिश्वयुद्दताका अमेरिकाले एटम बम खसालेको क्षेत्र हिरोसिमामा चलिरहेको छ । जसको अध्यक्षता अहिले जापानले गरिरहेको छ।

जापानका प्रधानमन्त्री किसिदा फुमियो युक्रेन भ्रमण गर्नेबेलामा जी सिखर सम्मेलनमा जेलेन्स्की अनलाइन मार्फत सहभागिता जनाउने सहमति भएको थियो । तर, जेलेनस्कीले युक्रेनको पछिल्लो अबस्थावारे जी सेभेनमा सामेल सबै देशलाई प्रत्यक्ष जानकारी गराउने चाहना राखेपछि भ्रमण तय गरिएको जापानका सरकारी अधिकारीहरुले जनाएका छन् ।

जापानका प्रधानमन्त्री संग छुट्टै भेट वार्ता गर्ने तय भएको एनएचकेले समाचारमा उल्लेख गरेको छ । सरकारी अधिकारीहरुका अनुसार जेलेन्स्की हिरोसिमामा रहेको परमाणु बम म्युजियमको भ्रमण गर्न तयारी समेत भैरहेको छ ।