सामग्री खोज्नुहोस्

काठमाडौं । एसीसी प्रिमियर कप अन्तर्गतको सेमिफाइनल खेलमा नेपालले कुबेत बिरुद्द ब्याटिङ्ग गरिरहेको छ । टस हारेर ब्याटिङको निम्तो नेपालका तर्फबाट कुशल भुर्तेल र आसिफ सेखले ओपनिङ्ग गरेका थिए । कुशल भुर्तेल ४३ रन बनाएर पेभेलियम फर्किएका छन्। भुर्तेलको ठाउमा आएका भिम सार्की पनि डक आउट हुँदा नेपालको टोटल स्कोर ७८ पुगेको छ।

ओपनर आसिफ सेखलाइ साथ दिन क्याप्टेन रोहित पौडेल क्रिज प्रवेश गरेका छन्। नेपालले आजको खेलमा गुलसन झा लाई बेन्चमा राख्दै तीव्र गतिका बलर करण केसीलाई प्लेइङ ११ मा समावेश गरेको छ । आजको खेलमा नेपालले कुवेतलाई हराएको खण्डमा फाइनल प्रवेश गर्ने छ ।

आजको सेमिफ़ाइनलमा कुबेतलाइ हराएको खण्डमा नेपालले ओमान या यूएईसँग फाइनल भिड्ने छ । समूह चरणको पहिलो खेलमा नेपालले मलेसियालाई ६ विकेटले पराजित गरेको थियो भने खेलमा ओमानलाई ८४ रनले हराएको थियो । तेस्रो खेलमा साउदी अरबसँग अंक बाँडेपनि नेपाल एक खेल अगावै सेमिफाइनल पुगेको थियो । समूह चरणको अन्तिम खेलमा कतारलाई ६८ रनले हराउँदै नेपाल समूह ए को विजेता बनेको थियो ।

मुलपानी मैदानमा हुने अर्को सेमिफाइनल खेलमा यूएईविरुद्ध ओमानले टस जितेर फिल्डिङ रोजेको छ ।

नेपालका ११ खेलाडीहरु

कुशल भुर्तेल, आसिफ शेख, भिम सार्की, रोहित पौडेल, कुशल मल्ल, आरिफ शेख, दीपेन्द्रसिंह कार्की, सोमपाल कामी, करण केसी, सन्दीप लामिछाने, ललित राजवंशी