सामग्री खोज्नुहोस्

काठमाडौं । राजधानी काठमाडौंको कीर्तिपुर खेल मैदानमा जारी एसीसी प्रिमियर कप अन्तरगत आज भएको कतार र नेपालको खेलमा नेपालले खराब प्रदर्शन गर्दै जम्मा १५८ रनको लक्ष दिन सकेको छ ।

समूह चरणको अन्तिम खेलमा नेपाल ब्याट्सम्यानहरु कतारका बलर समक्ष निरीह बनेपछि नेपालले पुरा विकेट गुमाउदै जम्मा १५७ रन जोड्न सफल भएको हो । नेपालका लागि सर्बाधिक रन पूर्व कप्तान सन्दिप लामिछानेले जोडे ।

दशौ विकेटका लागि मैदानमा प्रवेश गरेका लामिछानेले ४२ रनको योगदान गर्दै नेपालको स्कोर उकास्न सफल भएका हुन् । उनले ५८ बल खेल्दै ६ चौका प्रहार गरे । नेपालका ५ ब्याटर दोहोरो अंकको रन बनाउन नपाउदै आउट हुँदा चौथो नम्बरमा क्रिजमा प्रबेस गरेका कप्तान रोहीत पौडेलले ३६ बल खेल्दा २ चौकाको मद्दतमा २७ रन बनाए ।

आसिफ शेखले २७ बलमा १९ रन, सोमपाल कामी र आरिफ शेखले समान ११ रन जोडे । भने, दीपेन्द्रसिंह ऐरीले १२ रनको योगदान गरे ।

१५८ रनको सामान्य लक्ष पच्छाएको कतारले ३ ओभर खेल्दै १ विकेटको क्षेतिमा १८ रन जोडेको छ । दोश्रो ओभरको दोश्रो बलमा ललित राजबंसीले कतारको पहिलो विकेट झारेका हुन्।