सामग्री खोज्नुहोस्

टोकियो । जापानको ओकिनावा स्थित मिया पहाडको आसपासबाट जापानी सुरक्षाकर्मीको हेलिकप्टर सम्पर्कबिहीन भएको छ । जापानको रक्षा मन्त्रालयका अनुसार ग्राउन्ड सेल्फ डिफेन्स फोर्सको हेलिकप्टर दिउँसो ४: ३३ बजेबाट सम्पर्क बिहिन भएको हो।

कुमामोतो प्रिफेक्चरमा मुख्यालय रहेको ग्राउन्ड सेल्फ डिफेन्स फोर्स, ८ औं डिभिजनको UH60JA कलसाइनको हेलिकप्टर सम्पर्कबिहीन भएको हो । उक्त हेलिकप्टरमा २ जना पाइलट, २ मेकानिक र ६ जना चालक दलका सदस्यसहित १० जना सवार थिए ।

रक्षा मन्त्रालयका अधिकारीहरुले सम्पर्कबिहीन हेलिकप्टरको खोजी भैरहेको जनईको छ । खोजी कार्यमा संलग्न एयर सेल्फ-डिफेन्स फोर्सको हेलिकप्टरका चालक दलले समुद्रको सतहमा तेल जस्तो केही तैरिरहेको पुष्टि गरेता पनि कुनै आधिकारीक जानकारी आइनसकेको रक्षा मन्त्रालयलाई उद्दृत गर्दै एनएचकेले समाचार प्रकाशन गरेको छ ।

घटनाबारे अनुसन्धान भैरहेको जापानका प्रधानमन्त्री किसिदा फुमियोले उल्लेख गरेका छन् । प्रधानमन्त्रीको सरकारी निवास बाट बाहिरिदै गर्दा किसिदाले भने ‘रक्षामन्त्रालयले अनुसन्धान र खोजि गरिरहेको छ, अहिलेलाई यो भन्दा बढी जानकारी म संग छैन ।