सामग्री खोज्नुहोस्

टोकियो । जापानको अध्यागमन विभागले सन् २०२२ मा ४८ जना नेपालीहरु भिषा रद्द गरेको छ। जापानमा प्रचलित कानून र बिदेशीहरुका लागि लागु गरिएका मापदण्ड बिपरित काम गरेको खण्डमा जापानले आबश्यकता अनुसार भिषा रद्द गर्ने गर्दछ।

जापानको अध्यागमन विभागले सार्वजनिक गरेको पछिल्लो तथ्याङ्क अनुसार सबै भन्दा धेरै बिद्यार्थीहरुको भिषा रद्द भएको छ । कुल ४८ नेपालीको भिषा रद्द भएकोमा ४१ जना बिद्यार्थीहरु मात्रै छन् ।

त्यस्तै वोर्किङ्ग (इन्जिनियर/मानविकी/अन्तर्राष्ट्रिय सेवामा विशेषज्ञ) ३ जना, वोर्किङ्ग (कूक) २ जना, वोर्किङ्ग (बिशिष्ट कौशल २ ) १ र जापानी संग बिहे गरेका १ गरी ४८ जनाको भिषा रद्द भएको अध्यागमन विभागले सार्बजनिक गरेको तथ्याङ्कमा उल्लेख गरिएको छ ।

कुल १ हजार १२५ बिदेशीको भिषा रद्द भएकोमा भियतनाम ८०४ सहित पहिलो नम्बरमा रहेको छ भने अघिल्लो वर्ष भिषा रद्द हुने चिनिया नागरिकको संख्या १४६ रहेको छ।