सामग्री खोज्नुहोस्

जापान । आइटी इन्जिनियरहरुका लागि विशाल क्षेत्र मानिने आमाजोनले अमेरिकामा यो बर्षको पहिलो महिनामा १८ हजार आइटी कर्मचारी कटौती गरेको छ । आमाजोनले आर्थिक मन्दीका कारण कर्मचारी कटौती गर्नुपरेको उल्लेख गर्दै थप ९ हजार कर्मचारी कटौतीको घोषणा समेत गरेको छ ।

आमाजोनका सीइओ एन्डी जसीले आफ्नो आधिकारीक ब्लगमा कर्मचारीहरुलाई सम्बोधन गर्दै लेखेको पोस्टमा आर्थिक मन्दी र श्रम लागत लगायतका कारणले कर्मचारीहरु कटौती गर्नुपर्ने निर्णयमा पुगेको उल्लेख गरेका छन् ।

आमाजोनले यस वर्षको जनवरीमा मात्र १८ हजार कर्मचारी कटौती गर्नु र थप ९ हजार कर्मचारी कटौतीको घोषणा गर्नुलाइ सामान्य मान्न नसकिने अन्तराष्ट्रिय संचार माध्यमहरुले विश्लेषण गरेका छन् ।

अनिश्चित आर्थिक अवस्थाका कारण श्रम लागत र अन्य लागत घटाएनु पर्ने अबस्थामा आफुहरु पुगेको आमाजोनका सीइओले बताएका छन् । आर्थिक मन्दीको चिन्ताजनक अबस्थाकाबीच संयुक्त राज्य अमेरिकामा गुगल जस्ता आईटी कम्पनीहरूले एक पछि अर्को गर्दै कर्मचारी र अन्य लागतमा कटौती गरिरहेका छन् ।

आइटी क्षेत्रको अर्को ठुलो कम्पनी मेटाले गत १४ तारिख मात्रै १० हजार कर्मचारी कटौतीको घोषणा गरेको थियो ।