सामग्री खोज्नुहोस्

एजेन्सी । अमेरिकी सरकारले चिनियाँ कम्पनी बाइटडान्सलाई आफ्नो भिडियो सेयरिङ एप टिक टकको शेयर बेच्न आग्रह गरेको छ । अमेरिकी संचार माध्यमहरुले उल्लेख गरे अनुसार राष्ट्रिय सुरक्षा सबै भन्दा चिन्ताको बिषय भएको भन्दै टिक टकको शेयर बेच्न आग्रह गरेको हो ।

यदि टिक टकको शेयर बेच्न चिनिया सरकार तयार नभए अमेरिकामा टिक टक प्रतिबन्ध समेत हुन सक्ने अधिकारीहरुले जनाएको संचार माध्यमहरुमा उल्लेख गरिएको छ । टिकटक मार्फत प्रयोगकर्ताहरूको व्यक्तिगत जानकारी चिनियाँ सरकार समक्ष लिक हुन सक्ने भन्दै अमेरिकाको संघीय सरकार र राज्य सरकारहरूले पनि त्यस्ता सामाजिक संजालहरुलाई ब्यबस्थित गर्नु पर्ने आवाज उठाइरहेका छन् ।

अमेरिकी सरकारको वैदेशिक लगानी समितिले चिनियाँ कम्पनी बाइटडान्सलाई टिकटक सञ्चालन गर्ने कम्पनीको शेयर चीन बाहिरका कम्पनीहरूलाई बेच्न आग्रह गरेको छ । अमेरिकी आग्रहमा चीन सहमत नभएर टिक टक प्रतिबन्ध हुन पुगेमा १० करोड भन्दा बढी प्रयोगकर्ताहरु प्रभावित हुन सक्ने जापानको सरकारी संचार सस्था एनएचकेले समाचारमा उल्लेख गरेको छ।

यसबारे टिकटकले राष्ट्रिय सुरक्षा उद्देश्य हो भने, बिक्रीले समस्या समाधान नगर्ने टिप्पणी गरेको छ । यसबारे TikTok को CEO ले अर्को हप्ताको 23 तारिखमा अमेरिकी कंग्रेसको सुनुवाईमा पहिलो पटक जवाफ दिने कार्यक्रम छ । अमेरिकाको पछिल्लो प्रस्तावका बिषयमा उनले के जवाफ दिन्छन भन्ने कुरा अमेरिकीहरुले चासोका साथ हेरेको अन्तराष्ट्रिय संचार माध्यमहरुले जनाएका छन्।