सामग्री खोज्नुहोस्

टोकियो । जापान सरकारले पहिलो पटक जापान आउनेहरुका लागि जारी गर्दै आएको प्रमाणिकरण पत्र (सिओइ) को प्रतिलिपिलाइ पनि मान्यता दिने भएको छ।

जापानमा रहेको अध्यागमन विभागले जारी गरेको प्रमाणिकरण पत्रलाई भिषा प्राप्तिका लागि दुतावासमा निबेदन पेश गर्दा ओरिजिनलनै बुझाउन पर्ने विद्यमान नियमलाई परिवर्तन गर्दै प्रतिलिपि (फोटोकपी) मात्रै पेश गरे पुग्ने गरी नियम परिवर्तन गर्न लागेको हो ।

‘सम्बन्धित देशमा रहेका दुतावासमा रहेका जापानी दुतावासमा भिषाका लागि आबेदन दिंदा अध्यागमनले जारी गरेको प्रमाणिकरण पत्रको कपि मात्रै पेश गरे पुग्ने गरि सबै सेवालाई डिजिटलाइज गर्न लागिएको हो’ अध्यागमन बिभागका अधिकारीले टेलिफोनमा भने ‘यसो गर्दा दुतावासमा ओरिजिनल बुझाउन पर्दैन ।’

यो नियम भोलि १७ गते बाट लागु हुने अध्यागमनले आफ्नो वेब साइडमा जनाएको छ । अनलाइन बाट भिषा आबेदन दिएकाहरुका हकमा सिओइ मेलमा पठाइने र अध्यागमनमै गएर आबेदन दिएकाहरूको हकमा ओरिजिनल परमाण पत्र आवेदकको ठेगानामा पठाइने अध्यागमनले जनाएको छ ।

जापान सरकारको पछिल्लो निर्णयले पहिलो पटक जापान आउन लागेका बिद्यार्थीहरुलाई सबै भन्दा ठुलो राहत पुग्नेछ ।