सामग्री खोज्नुहोस्

काठमाडौ । एक दिवसीय मान्यता जोगाउन संघर्षरत नेपालले टस जितेर ब्याटिङ्ग रोजेको छ । नेपाली क्रिकेट टिममा क्याप्टेन रोहित पौडेलले टस जितेर पहिला ब्याटिङ्ग रोजेका। हुन् । त्रिवि क्रिकेट मैदानमा जारी प्रतियोगितामा नेपालले ८ ओभर खेल्दै तीन विकेटको क्षेतिमा ३० रन जोडेको छ ।

यो समाचार तयार पार्दा सम्म नेपालले कुशल भुर्तेल, असिफ शेख र कुशल मल्ल आउट भएका छन् । असिफ डक आउट हुँदा भुर्तेल ८ रनमा बोल्ड भए भने मल्ल ९ रनमा क्याच आउट भएका हुन् । अहिले क्याप्टेन रोहित पौडेल र भीम सार्की क्रिजमा छन् ।

नेपालले यूएईसँगको खेलका लागि टिममा दुई परिवर्तन गरेको छ । ज्ञानेन्द्र मल्ललाई बेन्चमा राख्दै गुलसन झा लाई प्लेइङ ११ मा समावेश गरेको छ । यस्तै, करण केसीको स्थान ललित नारायण राजवंशीले लिएका छन्।

आजको खेलमा यूएईलाई हराए नेपालले एक दिवसीय मान्यता जोगाउने छ । भने, शीर्ष तीनमा रहेर सोझै विश्वकप छनोट खेल्न बाँकी सबै खेल जित्नु पर्ने छ ।