सामग्री खोज्नुहोस्

टोकियो । पछिल्लो समय सांगीतिक क्षेत्रमा चर्चित रहेका गायक प्रकाश दुतराज टोकियो आइपुगेका छन् । गरिव तथा अनाथ बालवालिकाको सहयोगका लागि गज्जब इण्टरटेण्टमेन्टको आयोजनामा टोकियो सहित जापानका विभिन्न शहरमा हुन गैरहेको कार्यक्रममा भाग लिन दुतराज आज बिहान टोकियो आइपुगेका हुन् ।

घर कता हो बहिनीको लगायतका दर्जनौ चर्चित गीत गायका प्रकाश दुतराजको पहिलो प्रस्तुति भोली टोकियोको नाकानो जेरो हलमा आयोजना गरिएको कार्यक्रममा हुने गज्जब इण्टरटेण्टमेन्टका संयोजक सचिन श्रेष्ठले जानकारी दिए ।

कार्यक्रमबारे जानकारी दिने उद्देश्यले आज बेलुका टोकियोमा पत्रकार सम्मेलनको आयोजना समेत गरिएको आयोजकले जनाएको छ । ‘कार्यक्रममा भाग लिन दुतराज सहितका कलाकारहरु जापान आइपुगेका छन्’ संयोजक श्रेष्ठले भने ‘कार्यक्रमको तयारी बारे सांझ आयोजना गरिएको पत्रकार सम्मेलनमा जानकारी गराउनेछौ ।’

कार्यक्रममा भाग लिन कलाकार सुनितामी परियार समेत जापान आइसकेको श्रेष्ठले जानकारी दिएका छन् । टोकियो बाहेक नागोया, फुकुओका, ओसाका, सिजुओखा, निगाता र नारितामा समेत दुतराजको प्रस्तुति रहनेछ ।

अप्रिल २ तारिख एनआरएनए चिबाको आयोजनामा नारितामा कार्यक्रम हुन लागेको हो ।