सामग्री खोज्नुहोस्

चिवा । नेपालमा रहेका गरिव तथा अनाथ वालबालिकाहरुको सहयोगका लागि चिबा नारिता म्युजिकल नाइट कार्यक्रमको आयोजना गर्ने भएको छ ।

चर्चित गीत ‘घर कता हो बैनीको’ का गायक प्रकाश दुतराजको उपस्थितिमा उक्त कार्यक्रमको आयोजना गर्न लागिएको हो । उक्त कार्यक्रममा प्रकाश दुतराज संगै दी वी ब्याण्ड, स्थानीय कलाकार बिरेन्द्र बिष्ट, एजिन राइ, पुष्पा भट्टराइ यामलाल कंडेल लगायतको प्रस्तुति रहने एनआरएनए चिवाका संयोजक मुक्तिराज रेग्मीले जानकारी दिए ।

एनआरएनएका सदस्यलाई टिकटमा ५० प्रतिशत छुट

एनआरएनए चिवाले आयोजना गर्ने म्युजिकल नाइटका लागि प्रवेश शुल्क ५ हजार र २ हजार तोकिएको छ । भिआइपि टिकट लिन चाहनेका लागि ५ हजार र नर्मल टिकटका लागि २ हजार मूल्य तोकिएको छ ।

एनआरएनएको सदस्य बनेकाहरुले टिकटमा ५० प्रतिशत छुट पाउने रेग्मीले जानकारी दिए । ‘एनआरएनएको सदस्य बनेकाले जुनसुकै टिकट लिए पनि १००० एन छुट गरिनेछ’ रेग्मीले भने ‘एनआरएनए चिवाको वेब साइडबाट टिकट बुकिङ्ग गर्नेहरुले अर्को ५०० छुट पाउने छन् ।’

एनआरएनए चिवाले सार्बजनिक गएको पोस्टरमा रहेको बारकोड स्क्यान गरेर समेत टिकट खरिद गर्न सकिनेछ । एनआरएनए जापानको सदस्य बनेका र एनआरएनए चिबाको होम पेज वा पोस्टरको बारकोड स्क्यान गरी टिकट खरिद गरेमा २००० को टिकट ५०० एन पर्न जाने रेग्मीले जानकारी दिएका छन् ।

कार्यक्रम अर्को महिनाको २ तारिख नारिताको स्काई टाउनमा आयोजना हुन लागेको एनआरएनए चिबाले जानकारी दियो ।