सामग्री खोज्नुहोस्

काठमाडौ । आगामी फाल्गुन २५ गते हुन गैरहेको राष्ट्रपतिको निर्वाचनका लागि नेपाली कांग्रेस र नेकपा एमालेले उमेद्वार तय गरेका छन् । ति दुवै दलको आज काठमाडौमा बसेको बैठकले राष्ट्रपतिको उमेद्वार टुङ्गो लगाएका हुन् ।

नेपाली कांग्रेसले रामचन्द्र पौडेल र नेकपा एमालेले सुवासचन्द्र नेम्वाङ्गलाइ राष्ट्रपतिको उमेद्वारका रुपमा अघि सार्ने निर्णय गरेको नेताहरुले जानकारी दिएका छन् । राष्ट्रपति निर्वाचनका लागि सांझ ५ बजे सम्म उमेद्वारी दर्ता गर्नुपर्नेछ ।

माओबादी अध्यक्ष पुष्पकमल दाहाल प्रचण्ड प्रधानमन्त्री हुँदा बनेको एमाले सहितको गठबन्धन टुटेपछि माओबादी सहितको समर्थनमा कांग्रेसले रामचन्द्र पौडेललाइ उमेद्वार बनाउने निर्णय गरेको हो ।

प्रचण्ड प्रधानमन्त्री हुँदा भएको सहमति अनुसार एमालेलाई राष्ट्रपति दिन माओबादीले अस्वीकार गरेपछि एमालेले एक्लै उमेद्वारी दिने निर्णय गरेको हो । कांग्रेस उमेद्वार पौडेललाइ माओबादी सहित, नेकपा एकीकृत समाजवादी, जनता समाजवादी पार्टी,  जनमत पार्टी, लोसपा, नागरिक उन्मूक्ति र राष्ट्रिय जनमोर्चाले समर्थन गर्ने भएका छन्।

एमाले उमेद्वार नेम्वाङ्गलाइ समर्थन गर्ने दलहरुको टुंगो लागिसकेको छैन । केही समय अघि मात्रै सरकारबाट बाहिरिने र सरकारलाई दिएको समर्थन समेत फिर्ता लिने निर्णय गरेको राप्रपाले राष्ट्रपतिको निर्वाचनमा के गर्छ भन्ने प्रष्ट भैसकेको छैन । यता राष्ट्रिय स्वतन्त्र पार्टीले पनि राष्ट्रपति निर्वाचन सम्बन्धमा निर्णय गरिसकेको छैन ।

फाल्गुन २५ गते सम्म नेपाली राजनीतिमा कुनै उताड चडाब आएन भने कांग्रेस उमेद्वार रामचन्द्र पौडेल नेपालको चौथो राष्ट्रपति हुने निश्चित जस्तै छ । गणतन्त्र नेपालका पहिलो राष्ट्रपति डा. रामबरण यादब हुन् भने दोश्रो र तेश्रो राष्ट्रपति बिद्यादेबी भण्डारी हुन् । भण्डारीको दोश्रो कार्यकाल पनि सकिन लागेकाले नया राष्ट्रपतिका लागि फाल्गुन २५ गते निर्वाचन हुन्दैछ।