सामग्री खोज्नुहोस्

काठमाडौं । नेपालको राजधानी काठमाडौंमा सम्पन्न आईसीसी विश्वकप लिग–२ त्रिकोणात्मक ओडिआई सिरिज अन्तर्गत नेपाल र स्कटल्याण्डबीचको खेलमा नेपालले सनसनीपूर्ण जीत निकाल्दै सिरिज क्लिन स्वीप गरेकोछ ।

टस जितेर पहिला फिल्डिङ रोजेको नेपालले २१३ रनको लक्ष पछ्याउदै मैदान उत्रिएको थियो । स्कटल्याण्डले दिएको २१३ रनको लक्ष नेपालले ४४. १ ओभरमा पुरा गर्र्यो ।

नेपालको ब्याटिङ्ग सुरुवाती चरणमा निरासाजनक भएपनि क्याप्टेन रोहित पौडेल चम्किदा नेपालले गुमाइसकेको खेल जीतमा परिणत गर्न सकेको हो । नबौ विकेटका लागि कारण केसी संग साझेदार गरेका पौडेल ९५ रनमा अविजित रहे ।

नेपालले १३८ रनमै ८ विकेट गुमाएको थियो । निकै दवाबकाबीच मैदानमा उत्रिएका पौडेल र केसीले राम्रो सांझेदारी गरेपछि हारको मुखमा पुगेको नेपाल लयमा फर्केको थियो । पौडेल १०१ बल खेल्दै ४ छक्का र ७ चौका प्रहार गरे। त्यसै कारण केसी ३१ रनमा अविजित रहदा १ छक्का र २ चौका हान्न सफल भए ।

आजको खेलमा उत्कृष्ठ बलिङ गर्दै ४ विकेट लिएका सन्दिप लामिछानेले ९ रनको योगदान गरे । कुशल भुर्तेल १ रनमै आउट हुँदा ज्ञानेन्द्र मल्लले २१ रनको योगफल तयार पारे भने ओपनर आसिफ शेख १२ रन जोड्दै पेबेलियम फर्के ।

यसअघि ब्याटिङ गरेको स्कटल्याण्डले ४६.१ ओभरमा सबै विकेट गुमाउदै २ सय १२ रन जोडेको थियो । आफ्नो टिमका लागि आक्रामक प्रदर्शन गर्दै सर्वाधिक ६० रन मुन्सीलाइ नेपालका स्पिनर सन्दिप लामिछानेले बोल्ड गरे । यस अघि लामिछानेले पूर्व कप्तान कोएटजरलाइ २२ रनमै आउट गर्दै नेपालका लागि खाता खोलेका थिए ।