सामग्री खोज्नुहोस्

‘हामीले बिशेष अपरेशनहरुमा कुनै टिप्पणी गर्नुछैन’ उनले भनेका छन् ‘तर ताइवान प्रतिको हाम्रो समर्थन र ताइवानको रक्षा सन्दर्भमा चीनले निम्त्याएको खतराका बिरुद्द सधै उभिने छौ ।’

रोयटर्स । चिनिया सरकारका एक उच्च अधिकारी ताइवान पुगेका छन् । चिनिया रक्षा उप सहायक सचिव माइकल चेस ताइवान पुगेको दुवै तर्फका सरकारी श्रोतहरुले पुष्टि गरेको रोयटर्सले समाचारमा जनाएको छ ।

ताइवानको रक्षा मन्त्रालय र पेण्टागन दुवैले चेस ताइवान भ्रमणमा रहेको पुष्टि गर्दै यसबारे अहिलेनै प्रतिक्रिया दिन अस्विकार गरेको फाइनान्सियल टाइम्सलाइ उदृत गर्दै रोयटर्सले आफ्नो समाचारमा जनाएको छ ।

पेण्टागनका प्रबक्ताले चेसको भ्रमण बारे कुनै टिप्पणी नगर्ने बताएका छन् । ‘हामीले बिशेष अपरेशनहरुमा कुनै टिप्पणी गर्नुछैन’ उनले भनेका छन् ‘तर ताइवान प्रतिको हाम्रो समर्थन र ताइवानको रक्षा सन्दर्भमा चीनले निम्त्याएको खतराका बिरुद्द सधै उभिने छौ ।’

सरकारी श्रोतहरुले चेसको भ्रमणका बिषयमा थप बिवरण नदिएको रोयटर्सले जनाएको छ । ताइवानका रक्षामन्त्री कुओ-चेङले चेसको भ्रमण बारे आफु ‘निश्चित’ नभएको प्रतिक्रिया दिएका छन् । ‘मित्रवत रुपमा हामी सबैलाई स्वागत गर्छौ’ उनले पत्रकारहरु संग भने ‘औपचारिक सूचना नआए सम्म म अहिले केही बोल्दिन ।’

चीनले तावाइनलाइ आफ्नो भूभाग भन्दै बेइजिङ्गबाट साशन संचालन गर्ने रणनीतिक योजनाका साथ ताइवान माथि हवाई र सामुन्द्रिक क्षेत्रबाट दवाब बढाइरहेको छ । चीनको रणनीतिलाइ तावानले अस्विकार गरिरहेको छ भने अमेरिका लगायतका देशले ताइवान माथि कुनै दवाब सिर्जना नगर्न र उसलाई स्वतन्त्र छोड्न चीन माथि लगातार दवाब दिंदै आइरहेका छन् ।

चीनले उडाएको बेलुन दक्षिण क्यारोलिना तटमा अमेरिकाले खसाले पछि बेइजिङ्ग र वासिंगटनबीच यहि बिषयलाई लिएर विवाद चुलिएको छ । बेइजिङ्गले उक्त बेलुन मौसमी अबस्थाको अध्ययनका लागि उडाएको दावी गरिरहेको छ भने वासिंगटनले चीनको उक्त बेलुनलाइ जासुसी बेलुन भन्दै आइरहेको छ ।

बेलुक प्रकरणमा दुइदेशबीच विवाद भैरहेका बेला चेसको भ्रमणले वासिंगटन र बेइजिङ्गको सम्बन्ध थप तिक्तता तिर जाने भन्दै विश्लेषकहरुले चिन्ता ब्यक्त गरेको अन्तराष्ट्रिय संचार माध्यमहरुले जनाएका छन् ।