सामग्री खोज्नुहोस्

टोकियो । जापानले शुक्रवारको रकेट परिक्षणलाइ स्थगित गरेको छ । जापानले H3 नामको नया रकेट परिक्षण गर्ने क्रममा नउडे पछि तत्काललाइ परिक्षण स्थगित गर्ने निर्णय गरिएको JAXA ले पत्रकार सम्मेलनको आयोजना गरी जनाकारी दिएको छ ।

परियोजना प्रबन्धक मासाशी ओकादाले टोकियोमा आयोजित पत्रकार सम्मेलनमा मुख्य इन्जिन सामान्य रूपमा जल्न थाले पनि त्यस पछि सहायक रकेटले फाएर संकेत मूल रकेटमा नपठाएका कारणले रकेट परिक्षण हुन नसकेको जानकारी दिए ।

‘रकेटको सफल परिक्षण गर्न नसकेकोमा पनि हामी धेरै दुखी र निराश छौं’ ओकादाले पत्रकार सम्मेलनमा भने ‘हामी जति सक्दो छिटो सफल परिक्षण हुन नसकेको कारण पत्ता लगाई त्यसको निराकरण सहित यसै आर्थिक वर्ष भित्र सफल परिक्षण गर्ने लक्ष राखेका छौं ।’

३० वर्षको अन्तरालमा नयाँ रकेटको बिकास गरेको जापानले शुक्रवार बिहान खागोसिमा प्रिफेक्चरको तानेगाशिमा स्पेस सेन्टरबाट परिक्षणको तयारी गरेको थियो । रकेट परिक्षण गर्न खोज्दा धुवाँ मात्रै उडेको तर रकेटले कुनै प्रतिक्रिया नजनाएको दृश्य जापानको सरकारी टेलिभिजन एनएचकेले प्रशारण गरेको छ ।