सामग्री खोज्नुहोस्

एजेन्सी । गत सोमबार बिहान र सांझ दुइ पटक गएको शक्तिशाली भूकम्पका कारण टर्की र सिरियामा मृत्यु हुनेको संख्या १५ हजार पुगेको छ ।

अन्तराष्ट्रिय संचार माध्यमहरुका अनुसार टर्कीमा हाल सम्म १२ हजार ३९१ र सिरियामा २ हजार ९०० जना गरी हाल सम्म ज्यान गुमाउनेको संख्या १५ हजार नाघेको हो ।

टर्की र सिरियाको सिमावर्ती क्षेत्रमा गत सोमबार बिहान ७. ८ म्याग्नेच्युट र साँझपख ७.६ म्याग्नेच्यूटका दुइ शक्तिशाली भुकम्प गएका थिए ।

भुकम्पका कारण सिरियामा १ करोड ९ लाख भन्दा बढी व्यक्ति प्रभावित भएको संयुक्त राष्ट्रसंघले जनाएको छ । सिरियाको कुल जनसंख्या २ करोड मात्रै हो । यसको अर्थ सिरियामा कुल जनसंख्याको आधा हिस्सा भुकम्पबाट प्रभावित भएको छ ।

टर्कीमा बिपक्षीद्वारा सरकारको आलोचना

टर्कीको बिपक्षी दलले उद्धार कार्यमा ढिलाइ भएको भन्दै सरकारको आलोचना गरेको छ।

भुकम्प पछि उद्धार र राहत वितरणमा ढिलाई हुँदा जनजीवन प्रभावित भएको भन्दै टर्कीको बिपक्षी दलले सरकारको आलोचना गरेको हो ।

टर्कीका राष्ट्रपति रेचेप तैयप एर्दोआनले भने उद्धार कार्यलाई हरसम्भव प्रयास भैरहेको बताएका छन् । भुकम्प प्रभावित क्षेत्रको अबलोकन गर्दै उनले यो विपतको बेला भएकाले आलोचना भन्दा पनि आपसी सहकार्य र एकताको समय भएको उल्लेख गरे ।