सामग्री खोज्नुहोस्

पेरिस । युक्रेनका राष्ट्रपति भलादिभिर जेलेन्सकीले बुधवार सांझ फ्रान्स र जर्मनीका नेताहरु संग भेट गरेका छन् ।

बेलायतकाका अधिकारीहरु संगको भेटपछि जेलेन्सकीले फ्रान्सको राजधानी पेरिसमा फ्रान्स र जर्मनीका नेताहरुलाई भेटी लडाकु बिमान र लामो दुरीका क्षेप्यास्त्र आफूहरुका लागि आबश्यक रहेको बताएको बिबिसीले उल्लेख गरेको छ ।

फ्रान्सका इमानुएल म्याक्रोन र जर्मनीका ओलाफ स्कोल्जले युक्रेनलाइ आफुहरुले निरन्तर समर्थन गर्ने प्रतिबद्दता ब्यक्त गरेका छन् ।

बुधवार आयोजित संयुक्त पत्रकार सम्मेलनमा बोल्दै जेलेन्स्कीले युद्ध ट्याङ्क, आधुनिक लडाकु बिमान र लामो दूरीका क्षेप्यास्त्र उपलब्ध गराएको खण्डमा रसिया बिरुद्दको युद्दमा फ्रान्स र जर्मनीले खेल परिवर्तन गर्न सक्ने बताएका थिए ।

सोही पत्रकार सम्मेलनमा बोल्दै फ्रान्सका म्याक्रोनले युक्रेनलाई विजयी गराउन र बैध अधिकारको पुन: स्थापनाका लागि मद्दत गर्न कटिबद्ध रहेको बताए ।

जर्मनीका स्कोल्जले रुसले युद्ध जित्न नहुने उल्लेख गरेको बीबीसीको समाचारमा उल्लेख छ ।

जेलेन्स्कीको माग बमोजिम हातहतियार उपलब्ध गराउन या नगराउने भन्ने बिषय अझै स्पस्ट भैसकेको छैन ।

जेलेन्स्कीले बुधवार बेलायतको संसदमा सम्बोधन गर्दै आफ्नो जीवनकालको सबै भन्दा महत्वपूर्ण जीतको प्रतिक्षामा रहेको बताएका थिए । उनले बिहीवार युरोपियन युनियनका नेताहरु संग भेट गर्ने कार्यक्रम तय भएको बिबिसीले उल्लेख गरेको छ।

बिबिसीको सहयोगमा