सामग्री खोज्नुहोस्

‘हामी हिउँमा खुल्ला जीवन बिताइरहेका छौ, मेरो घर ध्वस्त भयो र आफन्तहरु बेपत्ता छन्’ रोयटर्स संग कुरा गर्दै मालायात्याका स्थानीय मुरक अलिनकले भनेका छन् ‘म के गरौँ म कहाँ जाउँ ?’

एजेन्सी । गत सोमबार टर्की र सिरियाको सिमावर्ती क्षेत्रमा गएको भूकम्पका कारण ज्यान गुमाउनेको संख्या ९ हजार बाट उकालो लागेको छ ।

रोयटर्सले गरेको पछिल्लो अपडेट अनुसार टर्कीमा हाल सम्म ७ हजार १०० र सिरियामा २ हजार ५०० गरी हाल सम्म ज्यान गुमाउनेको संख्या ९ हजार ६०० पुगेको हो ।

उद्दार कार्य अझै पनि जारी रहेकाले मृतकको संख्या पनि बढ्न सक्ने अधिकारीहरु बताएका छन् । संयुक्त राष्ट्रसंघका अधिकारीहरुले भुकम्पमा परी बालवालिकाहरुको समेत मृत्यु भएको उल्लेख गरेका छन् ।

भुकम्प पछि टर्कीका राष्ट्रपति ट्याइप एर्दोगनले १० ओटा प्रदेशमा संकटकालको घोषणा गर्दै उद्दारका लागि आबश्यक सहयोग गर्न छिमेकी राष्ट्रहरुलाई आग्रह गरेका छन् ।

भुकम्प प्रभावित क्षेत्रमा हिमपात भएकाले सर्बसाधारणहरुको जनजीवन अत्यन्तै नाजुक भएको छ । ‘हामी हिउँमा खुल्ला जीवन बिताइरहेका छौ, मेरो घर ध्वस्त भयो र आफन्तहरु बेपत्ता छन्’ रोयटर्स संग कुरा गर्दै मालायात्याका स्थानीय मुरक अलिनकले भनेका छन् ‘म के गरौँ म कहाँ जाउँ ?’

टर्की र सिरियाको सिमाक्षेत्रमा सोमबार बिहान ७. ८ र सांझपख ७.६ म्याग्नेच्युटको भुकम्प जाँदा ठुलो जनधनको क्षेती भएको छ ।

भूकम्प प्रभावितको उद्दारका लागि चिन, जापान, अमेरिका, इटाली लगायतका देश बाट टोलीहरु घटनास्थल पुगेका छन् ।