सामग्री खोज्नुहोस्

रोयटर्स । सोमबार बिहान दक्षिणी टर्कीमा शक्तिशाली भुकम्प जाँदा कम्तिमा ५० जनाको मृत्यु भएको छ ।

रोयटर्सले समाचारमा उल्लेख गरे अनुसार टर्कीमा बिहानै ७. ९ म्याग्नेच्युडको भुकम्प गएको हो । भूकम्पमा परी हाल सम्म मालत्य प्रान्तमा २३, सानलिउर्फामा १७, दियारबाकिरमा ६ र ओस्मानीमा थप पाँच जनाको मृत्यु भएको रिपोर्ट प्राप्त भएको रोयटर्सको समाचारमा उल्लेख गरिएको छ ।

भूकम्पको धक्का साइप्रस, लेबनान र सिरियामा समेत गरिएको थियो । अधिकारीहरुले सिरियाको दक्षिण भेगमा ४२ जना मारिएको उल्लेख गरेका छन् ।

भूकम्पले टर्कीका दर्जनौ भवनहरु ध्वस्त भएको अन्तराष्ट्रिय संचार माध्यमहरुले जनाएका छन् ।

भुकम्पको केन्द्रबिन्दु नजिकै रहेको गाजिएण्टेपका एक स्थानीयले आफुले ४० बर्षमा पहिलो पटक यति ठुलो धक्का महसुस गरेको रोयटर्सलाइ बताएका छन् ।

टर्कीमा उद्दारका लागि उद्दार टोलि खटाइएको छ भने उद्दारका लागि अन्तराष्ट्रिय सहायताको आव्हान गर्ने सरकारको तयारी रहेको रोयटर्सले समाचारमा उल्लेख गरेको छ ।