सामग्री खोज्नुहोस्

काठमाडौं । प्रधानमन्त्री पुष्कमल दाहाल प्रचण्डले राष्ट्रिय स्वतन्त्र पार्टीका सभापति रवि लामिछानेलाई गृह मन्त्रालय सुम्पिन तयार नभएपछि लामिछानेले एमाले अध्यक्ष ओली संग संवाद बढाउन थालेका छन् ।

गठबन्धन गर्नुपूर्व राष्ट्रपति एमालेलाई दिने सहमति गरेको माओबादीले राष्ट्रपतिको निर्वाचनमा राष्ट्रिय सहमति खोज्ने निर्णय गरेपछि एमाले अध्यक्ष ओली पनि अरु साना दलका नेताहरु संग निरन्तर संवादमा छन् ।

गठबन्धन गर्दा गृह मन्त्रालय पाएको राष्ट्रिय स्वतन्त्र पार्टीले सभापति लामिछानेको नागरिकतालाई सर्बोच्चले मान्यता नदिएपछि अहिले गृह मन्त्रालय प्रधानमंत्री प्रचण्डको कमाण्डमा छ ।

राष्ट्रपतिको निर्वाचनमा राष्ट्रिय सहमतिको खोजी गर्ने माओबादी निर्णयबाट ससंकित भएको एमाले र गृहमन्त्रालय आफ्नै पार्टीले पाउनु पर्ने माग राखिरहेको रास्वपामा नेताहरुबीच भैरहेका भेटवार्ताले सत्ता गठबन्धन धर्मराएको संकेत मिलेकोछ ।