सामग्री खोज्नुहोस्

टोकियो । जापानमा अघिल्लो बर्षको डिसेम्बर महिनामा ६० प्रमुख खाद्य बस्तुहरु मध्ये ६० प्रतिशत खाद्य पदार्थको मूल्यवृद्धि भएको छ ।

जापानको आर्थिक दैनिक पत्रिका निक्केइले आफ्नो अनलाइन संसकरणमा प्रकाशन गरेको समाचार अनुसार सन् २०२१ को डिसेम्बर महिनाको तुलनामा अघिल्लो वर्ष अर्थात सन् २०२२ को डिसेम्बर महिनामा ६० प्रतिशत खाद्य पदार्थको मूल्य बढेको हो ।

खाद्य पदार्थ उत्पादनका लागि आबश्यक पर्ने कच्चा पदार्थको मूल्य ३६ प्रतिशत सम्म उच्च हुन सक्ने भएकाले मूल्य मूल्यवृद्धिले समेत निरन्तरता पाउन सक्ने एक सर्वेक्षणले देखाएको निक्केइले समाचारमा उल्लेख गरेको छ ।

देशभरका ४७० पसलको डाटा संकलन गरी ६० खाद्य पदार्थको मुल्य विश्लेषण गरिएको थियो । जस मध्ये ५६ अर्थात ९० प्रतिशत खाद्य पदार्थको मूल्य बढेको पाइएको छ ।

६० खाद्य पदार्थलाई आधार मानेर गरिएको सर्वेक्षणमा ३७ खाद्य पदार्थ (अर्थात ६० प्रतिशत ) को मूल्य ५ प्रतिशत भन्दा बढीले बढेको उक्त समाचारमा उल्लेख छ ।

समाचार अनुसार माइनेज १९ प्रतिशत, खान पकाउने तेल १७ प्रतिशत र सुख्खा पास्ताको मूल्य १५ प्रतिशतले बढेको छ ।

निक्केइ पत्रिकाको अनलाइनबाट